Pitti Immagine Bimbo არის ბავშვის ტანსაცმლის სექტორის ერთ-ერთი უმნიშვნელოვანესი გამოფენა, რომელიც ტრადიციულად ტარდება იტალიაში, ქალაქ ფლორენციაში. გამოფენას ყოველწლიურად სტუმრობს 10 000 ვიზიტორი და მონაწილეობას იღებს 500-მდე საერთაშორისო ბრენდი. Pitti Immagine Bimbo იზიდავს მსხვილ ბრენდებსა და მულტინაციონალურ ვიზიტორებს.
2022 წელს გამოფენის ზამთრის სეზონი ფიზიკური სახით ჩატარდება. ღონისძიების თარიღებია 2022 წლის 11-13 იანვარი.
გამარჯვებული კომპანიები დამატებით ონლაინ სივრცეშიც იქნებიან წარმოდგენილი აღნიშნულ თარიღებში.
კომპანიების შერჩევა განხორციელდება სააგენტოს მიერ შემუშავებული და დამტკიცებული კომპანიების შერჩევის და თანადაფინანსების დოკუმენტის საფუძველზე.
შენიშვნა: სააგენტოს მიერ მხარდაჭერილი კომპანიების რაოდენობა: 4
2021 წლის ოქტომბრის მონაცემებით იტალიაში შესვლა მოხდება PCR ან ანტიგენზე დაფუძნებული ტესტების წარდგენით.
