ექსპორტის მენეჯერთა სასერტიფიკატო კურსის ჩატარება მიზნად ისახავს ექსპორტის მენეჯერთა კვალიფიკაციის ამაღლებას, ექსპორტიორი/ექსპორტზე ორიენტირებული კომპანიებისთვის ექსპორტის მენეჯერების მომზადებას, კერძო სექტორის საექსპორტო პოტენციალის და კონკურენტუნარიანობის ზრდას და წარმოების განვითარების ხელშეწყობას;
პროგრამა ხორციელდება ავტორიზებულ უმაღლეს საგანმანათლებლო დაწესებულებასთან პარტნიორობით და იგი მოიცავს 14 მოდულს, რომელიც გადანაწილებულია 25 სალექციო დღეზე.
კურსის წარმატებით დასრულების შემთხვევაში გაიცემა პროგრამის წარმატებით გავლის სერტიფიკატი.
კურსის ჩატარება იგეგმება ქალაქ თბილისში, აპრილი-ივნისის პერიოდში.
ექსპორტის მენეჯერთა სასერტიფიკატო კურსის განხორციელების შემთხვევაში, მსმენელის თანამონაწილეობა ერთ კვალიფიციურ აპლიკანტზე შეადგენს 250 ლარს.
არასაკმარისი მომართვიანობის შემთხვევაში, კურსი არ შედგება.
